დღევანდელი შემთხვევა ჩემში დარჩება 06.02.2018

740f0b213270ceb90ddb12dd3c9aba82
   დღეს სამსახურისგან ვისვენებდი და ვტკბებოდი რუსთაველის გამზირზე სეირნობით, სუფთა ჰაერის ჩასუნთქვითა (თუ სუფთა ეთქმის) და თავისუფლად ყოფნით, სანამ დრო მქონდა. ვსეირნობდი და ვათვალიერებდი რაღაც-რაღაცებს. შემდეგ ისევ სახლისკენ მიმავალ გზაზე სითი მოლში შევიარე და იქაც სხვადასხვა ნივთებს ვათვალიერებ, საათებს,ტელეფონებს, სხვადასხვა აქსესუარებს, ბეჭდებს, საყურეებს და მათ ფასებს ვუყურებდი. ამასობაში ბიბლუსის ჯერიც მოვიდა, მივადექი და ცდუნებას ვერ გავუძელი, გამოსვლას ვაპირებდი უკვე, რომ მაინც შევიჭყიტე და ჩემს საყვარელ საქმიანობას წიგნების თვალიერებას და მათ არჩევას შევუდექი. კვირის ტოპ შეთავაზებას დავადგი თვალი, დავადგი რა, მომეწონა 29 ლარიანი წიგნის 9 ლარად შეძენის შესაძლებლობა, თუმცა ყიდვას არ ვაპირებდი. ეს წიგნი პალიტრას სამაგიდო წიგნის ათეულის ერთ-ერთი წიგნი იყო, “მითოლოგიური ლექსიკონი”, სხვა წიგნისთვის ვინახავდი თანხას და ამის გამო მის ყიდვაზეც უარი ვთქვი, თუმცა მაინც ავიღე ხელში და გადავშალე. ალალბედზე შემთხვევით გადავშალე რათა მენახა და რამე ამომეკითხა, ჩავხედე თუ არა წიგნს მაშინვე გავშრი და ჟრუანტელმა დამიარა. უცნაური წასაკითხი იყო, რაც ამოვიკითხე იმ გვერდზე, უცნაური და სასიამოვნო წასაკითხი აღმოჩნდა, გამაკვირვა ამ უცნაურმა მოვლენამაც თუ დამთხვევა შეიძლება ეწოდოს, მაგრამ დამთხვევების და აბსურდული შემთხვევითობის დიდად არ მჯერა, რადგან ეს ღმერთის უარყოფა იქნებოდა. მართალია დიდად არც უფალს ვესაუბრები ხოლმე და ვერც მასთან სიახლოვეს ვახერხებ, მოვშორდი თუ ასე შეიძლება ითქვას, მაგრამ მე მაინც მჯერა მისი არსებობის, უბრალოდ ყველაფრის არა, რასაც სხვები ამბობენ ან რისიც სწამთ, ჩემებურად მჯერა.
   თემას გადავუხვიე და რაც ამოვიკითხე ახლავე მოგახსენებთ.
   ეს ერთი სიტყვა იყო… სიტყვა “მიდასი”, რომელიც ჩემს თვალს ისე სასიამოვნოდ მოხვდა ერთი ჩამეღიმა, სიამაყის გრძნობა დამეუფლა და წიგნი მაშინვე სალაროსკენ წავიღე. დეფექტიანის გამოცვლა ვითხოვე და მაშინვე ვიყიდე. მოლარესაც კი ვესაუბრე დიდის ამბით თუ რატომ მოხდა რომ მე ამ წიგნს ვიძენდი და დაინტერესდა კიდეც.
რისი თქმა მინდოდა, მე ყოველდღე, ყოველ საათს, წუთს, წამს ვიღებ ნიშნებს, ვიღებ ნიშნებს, რომ სწორად მივყვები ჩემ გზას და სწორად მივდივარ დანიშნულების წერტილამდე. შეიძლება ხანდახან რაღაც მიზეზის გამო ვუხვევ ამ ბილიკს, მწვანე ბილიკს, რომელსაც ყველა ადამიანი გადის, მაგრამ ისევ უკან ვბრუნდები და ამის შესახებაც მინიშნებას მაძლევს სამყარო.
   მე რომ არ მომდომოდა სეირნობა, თვალიერება, რაღაცის ძებნაში რო არ ვყოფილიყავი გართული და სითი მოლშიც არ შევსულიყავი, ბიბლუსში შესვლა არ მომდომოდა, ეს წიგნი ხელთ არ ამეღო, არ გადამეშალა და ბევრი “არ” არის აქ, მაშინ ეს არც მოხდებოდა და ეს წიგნი ხელთ არ მექნებოდა დღეს. მაგრამ ამის ნაცვლად ყველაფერი მოხდა, მეც ეს ნიშნად მივიღე რომ სწორ არჩევანს ვაკეთებდი და წიგნი მაშინვე დაუყოვნებლივ შევიძინე, რადგან ისედაც ფანტასტიკის ჟანრში მოღვაწეს ნამდვილად გამოადგება…
ეს ჩემი კრედოა, მივყვები ცხოვრებას დინების საპირისპიროდ, იქით არა საითაც ყველა მიყავს დინებას, მინიშნებების გათვალისწინებით არა მხოლოდ, სიმართლე გითხრათ ეს გზაზე დახატულ ისრებს ჰგავს, რომელიც იქითკენ კი არ მიდის საითაც ყველასი, არამედ იქით, სადაც შენ უნდა წაგიყვანოს, განსხვავებული გზით, თუმცა ბოლო ერთია სამარის კარი, გააჩნია მხოლოდ იმას, რა გზით დაადგები მას, რას დატოვებ და როგორ იმოქმედებ ამ წუთისოფელში. მე ეს გზა ავირჩიე. გზა, რომელსაც ვერავინ შემაცვლევინებს თავიანთი ირონიული სიფათებითა და კეთილის მოსურნე რჩევებით დროის ფლანგვის მაგივრად სხვა საქმის მოკიდებას რო მირჩევს. ეს პოსტი თქვენ არ გეძღვნებათ. ეს პოსტი მე მეძღვნება, რადგან სწორედ მე ვარ ის ადამიანი ვინც ძალას მატებს ერკეს და მის სახელს, სტიმულს აძლევს რომ უფრო მეტი წეროს ვიდრე აქამდე წერდა და არ შეჩერდეს.
და შემდეგ ეძღვნება მათ, ვინც მართლა მისმენს, კითხულობს და მიგებს.
ე.მ.
Advertisements

მიხაილ ბულგაკოვი – ოსტატი და მარგარიტა

300x430_1414155439_-_1139a25c914f5f18872f8f03e72df79eარასდროს იცი, საითკენ მიგაქანებს ცხოვრების კვალი, ის მთვარის ბილიკი, რომელიც უეცრად შენი საძინებლის ფანჯარასთან გაჩნდება და მისკენ ატოტება მოგინდება, ფეხის შედგომა. ვერსაიდან იგებ, რამდენი ტკივილი და ტანჯვა უნდა გამოიარო, ამ ისედაც ნაწამებ ქალმა და ცხოვრების მანძილზე, რამდენი გერგება ბედნიერების წილი მთელ სატანჯვეთში. Continue reading

ერკე მიდასი – წიგნი!

ვისთვის ქაღალდი, ვისთვის კი მთელი ცხოვრების არსი დანიშნულია ის შეგვახსენოს, ძალა შეგვრჩა და კიდევ ვარსებობთ. – ვისთვის უბრალო სიტყვები, ვისთვის კი მრწამსი ის შეგვასწავლის როგორ ვაშენოთ, ჩვენი მიწა და ჩვენი სამეფო. – ვისთვის პლანეტა, დედამიწა და ვისთვის კი მარსი ჩვენი … Continue reading

Rate this:

მარკუს ზუზაკი – წიგნის ქურდი – ქურდი არ არის!

20150707_155341

წიგნის ქურდი, ქურდი არ არის!

არ აქვს ჩემთვის მნიშვნელობა, როგორ მიიჩნევს საქართველოს და სხვადასხვა ქვეყნების კანონმდებლობა, ან სისხლის სამართლის კოდექსი.

წიგნის ქურდი, ქურდი არ არის – კვლავ ვიმეორებ! Continue reading

დანიელ პენაკი – რომანივით საკითხავი ანუ ერკეს სამაგიდო წიგნი

1ec92e18350747c2a691eae43648b92b

მკითხველის ხელშეუვალი უფლებები:

  1. უფლება – არ წავიკითხოთ.
  2. უფლება – გამოვტოვოთ გვერდები.
  3. უფლება – ბოლომდე არ წავიკითხოთ.
  4. უფლება – ხელახლა წავიკითხოთ.
  5. უფლება – რაც გვინდა ის წავიკითხოთ.
  6. უფლება ბოვარიზმისა (ტექსტუალური გზით გადამდები დაავადება).
  7. უფლება – სადაც გვინდა, იქ ვიკითხოთ.
  8. უფლება – საიდანაც გვინდა, იქიდან დავიწყოთ კითხვა.
  9. უფლება – ხმამაღლა ვიკითხოთ.
  10. უფლება – არ ვილაპარაკოთ წაკითხულზე.

ჩვენი უფლებების სრული ჩამონათვალი, რომელზე დაყრდნობითაც შეგვიძლია ვიკითხოთ წიგნები. ეს მცნებასავითაა, როგორც ამას თავად პენაკი უწოდებს და ამიტომ შეაჩერა ჩამონათვალი ათ უფლებაზე.

დიოგენე, როგორც ყოველთვის საუკეთესოა, დიოგენე ყოვლისშემძლეა, დიოგენემ იცის რას აკეთებს, დიოგენე ლიტერატურის სიყვარულით გაჯერებულ წიგნებს თარგმნის, დიოგენე შეუდარებელია, დიოგენე ყველაფერია… Continue reading

დანიელ კიზი, რეი ბრედბერი, ფრედერიკ ბრაუნი, რობერტ ჰაინლაინი

ბლოგი

მოგესალმებით. პირველ რიგში კი ბოდიშს მოგიხდით დიდი ხანია რომ არ დამიპოსტავს, თუმცა არამგონია ვინმეს რამე დაკლებოდეს ან მომატებოდეს ამით. ბევრი მომხმარებელი მაინც არ მყავს, მაგრამ აქ წერას არ შევწყვეტ. ეს ბლოგი ჩემთვის დღიურივითაა, სადაც ვწერ ჩემს ლექსებს ან განხილვას წიგნების შესახებ, იმ წიგნების რასაც ვკითხულობ. ასე რომ ეს ბლოგი ჩემზე ბევრ რამეს ინახავს და ჩემთვის ძალიან ძვირფასია. რა თქმა უნდა მკითხველის რაოდენობას დიდი მნიშვნელობა არ აქვს. ვინც კითხულობთ და ერთი რომელიმე პოსტი მაინც წაგიკითხავთ ყველას მადლობას მოგახსენებთ. ამ დროში სანამ არ ვწერდი არაფერს ბევრს ვკითხულობდი და ვწერდი ამავდროულად. ახალ ფანტასტიკურ რომანზე ვმუშაობ და შემდეგ ამასაც გაცნობებთ ძალიან მალე. ბევრი მასალა დამიგროვდა და ნელ-ნელა ყველას იხილავთ რა თქმა უნდა და მიხვდებით რატომაც ვიკავებდი აქ დაწერისგან თავს და რატომ არ მქონდა დრო. Continue reading

აიზეკ აზიმოვი – მე რობოტი

1374453791_1318539592_g1z4-640x480.jpg-468g640

 

უილ სმიტი  შესანიშნავი მსახიობია, მისი ფილმები ძალიან მომწონს. ისეთი ტიპია დრამატულ სიტუაციაშიც, რომ გაგეცინება. ჩარლი ჩაპლინს ან რომელიმე სხვა კომიკოსს არ შევადარებ, რადგან ეს ადამიანი სრულიად განსხვავებული ტიპაჟია და ჩემი აზრით ძალიან მაგრად ასრულებს თავის როლს ყველა ფილმში. განსაკუთრებით კი ის ფილმი მიყვარს, რომელზეც ახლა უნდა ვისაუბრო – მე, რობოტი. Continue reading

წიგნის წერა, რომ შეგეძლოთ

Books-and-wine-at-Abulafia-bookshop-Buenos-Aires

ერთი კითხვა გამიჩნდა რაზეც მარტო მეც გავცემდი პასუხს, მაგრამ მე თქვენი აზრიც მაინტერესებს.

ბევრს არ ვილაპარაკებ უბრალოდ კითხვას დაგისვამთ და პასუხი გამეცით, ეს ჩემთვის მნიშვნელოვანია.

ნებისმიერს, ვინც ამ პოსტს წაიკითხავთ, წიგნის წერა რომ შეგეძლოთ და ამისი დრო და უნარი გქონდეთ, ასევე სახსრები რომ გამოსცეთ და ხალხს ანახოთ თქვენი ლიტერატურა, რა ჟანრის წიგნს დაწერდით? Continue reading